Sunday, 9 December 2018


AITUC மாநில மாநாடு
இந்திய நாட்டின் முதல் தொழிற்சங்கம்
AITUCன் 19வது தமிழ் மாநில மாநாடு

ஜனவரி - 23…24…25 – 2019
வேலூர்.

தோழர்களே… சங்கமிப்போம்…

Friday, 7 December 2018


நிகழ்வுகள்

NFTE மாவட்டச்செயலர்கள் கூட்டம்
11/12/2018 – செவ்வாய்க்கிழமை – காலை 10 மணி
NFTE சங்க அலுவலகம் 
முதன்மைப்பொதுமேலாளர் அலுவலகம் – சென்னை.

 தலைமை 
தோழர்.காமராஜ் – மாநிலத்தலைவர்
பங்கேற்பு  
NFTE மாநிலச்செயலர் மற்றும் மாவட்டச்செயலர்கள்
ஆய்படு பொருள் 
வேலைநிறுத்தம் மற்றும் இதர பிரச்சினைகள்
------------------------------------------------------------------------------------------
கிளைச்செயலர்கள் கூட்டம்

13/12/2018 – வியாழன் காலை 10 மணி
NFTE சங்க அலுவலகம்  
பொதுமேலாளர் அலுவலகம் – காரைக்குடி

தலைமை  
தோழர்.லால்பகதூர் – மாவட்டத்தலைவர்
பங்கேற்பு 
 NFTE மாவட்டச்செயலர், கிளைச்செயலர்கள் 
மற்றும் JCM உறுப்பினர்கள்
ஆய்படு பொருள்  
வேலைநிறுத்தம், தலமட்டப்பிரச்சினைகள் 
மற்றும் அமைப்புநிலை
------------------------------------------------------------------------------------------
LOCAL JCM – தலமட்டக்குழுக்கூட்டம்

13/12/2018 – வியாழன் மதியம் 02 மணி
பொதுமேலாளர் அலுவலகம் – காரைக்குடி.
 ----------------------------------------------------------------------------------------
அனைத்து கிளைச்செயலர்களும்… JCM உறுப்பினர்களும்…
தவறாது கலந்து கொள்ள வேண்டுகிறோம்…

Monday, 3 December 2018

உறையிலிடப்பட்ட போர்வாள்…

இன்று 03/12/2018  நமது இலாக்கா அமைச்சருடன்
அனைத்து சங்க கூட்டமைப்பு பேச்சுவார்த்தை நடத்தியது.
நமது கோரிக்கைகளில் கீழ்க்கண்ட முன்னேற்றங்கள் ஏற்பட்டுள்ளன.

4G அலைக்கற்றை ஒதுக்கீடு
BSNL நிறுவனத்திற்கு 4G அலைக்கற்றை ஒதுக்கீடு சம்பந்தமாக 
மத்திய அமைச்சரவை ஒப்புதல் விரைவில் பெறப்படும்.
இதற்கான பணியை செய்து முடிக்க DOTயின் மூத்த அதிகாரி ஒருவர் சிறப்பு அதிகாரியாக  நியமிக்கப்படுவார்.

ஓய்வூதிய மாற்றம்
ஓய்வூதிய மாற்றம் விரைவில் அமுல்படுத்தப்படும்.
ஊதியமாற்றத்திற்கும் ஓய்வூதிய மாற்றத்திற்கும்
இனி யாதொரு சம்பந்தமுமில்லை...
ஓய்வூதியமாற்றம் ஊதியமாற்றத்தோடு இனி இணைக்கப்படாது.

ஓய்வூதியப்பங்களிப்பு
வாங்கும் சம்பளத்தின் அடிப்படையில்
ஓய்வூதியப்பங்களிப்பு என்ற மத்திய அரசு உத்திரவு
BSNLலிலும் இனி அமுல்படுத்தப்படும்.

BSNL நேரடி நியமன ஊழியர்களுக்கு கூடுதல் ஓய்வூதியப்பங்களிப்பு
BSNL நேரடி நியமன ஊழியர்களுக்கு மார்ச் 2019 முதல் 
கூடுதலாக 3 சத ஓய்வூதியப்பங்களிப்பு செய்யப்படும். 
நாளடைவில் மீதமுள்ள 4 சத பங்களிப்பும் வழங்கப்படும்.

புதிய சம்பள விகிதங்களுக்கு ஒப்புதல்..
BSNL பரிந்துரைத்துள்ள புதிய சம்பள விகிதங்களுக்கு ‘
உரிய ஒப்புதல் வழங்கிட நடவடிக்கை எடுக்கப்படும். இதற்கான பணியை செய்து முடிக்க DOT அதிகாரிகளை அமைச்சர் பணித்துள்ளார்.

3வது ஊதிய மாற்றம்..
BSNL ஊழியர்களின் முக்கியக் கோரிக்கையான
3வது ஊதிய மாற்றம் அமுல்படுத்துவது பற்றி
BSNL மற்றும் DOT இடையே ஒருமித்த கருத்து
உருவாவதற்கு கூடுதல் கால அவகாசம் தேவைப்படுகிறது.

எனவே ஊதியமாற்றத்தில் நல்லதொரு முடிவினை எட்டிட…
BSNL மற்றும் DOTக்கு  கூடுதல் அவகாசம் வழங்க வேண்டிய
அவசியம் இருப்பதால் டிசம்பர் 10 அன்று நடைபெறவிருந்த  
காலவரையரையற்ற வேலைநிறுத்தத்தை
மறு அறிவிப்பு வரும்வரை ஒத்தி வைத்திட
அனைத்து சங்க கூட்டமைப்பு முடிவு செய்துள்ளது.

தோழர்களே…
நாடு முழுவதும் நமது அனைத்து சங்க கூட்டமைப்பு
காலவரையரையற்ற வேலைநிறுத்தத்திற்கு முழுமுனைப்புடன் 
ஊழியர்களையும் அதிகாரிகளையும் தயார்படுத்தியது.
மிகச் சில தோழர்களும் மிகச்சிறிய அமைப்புகளும் மட்டுமே…
போராட்டத்தில் இருந்து தங்களைத் தனிமைப்படுத்திக்கொண்டனர்.
மிகப்பெரும்பகுதி  தோழர்கள் போராட்ட உணர்வோடு
களம் காண கடமை உணர்வோடு காத்திருந்தனர்.
உரிமை உணர்வு மிக்க தோழர்களுக்கு நமது வாழ்த்துக்கள்….

அனைத்துக் கருத்து வேற்றுமைகளையும் மறந்து….
ஒன்றுபட்ட அமைப்பாக இன்றுவரை திகழ்ந்து…
இன்றைய சூழலைக் கணக்கில் கொண்டு….
போராட்டம் இல்லாமலேயே…

ஊதியமாற்றம் இல்லாமல் ஓய்வூதிய மாற்றம்
என்ற மாபெரும் சாதனையை நிகழ்த்தி…
அலைக்கற்றை ஒதுக்கீட்டை முடிவுக்கு கொண்டுவந்து..
இழுத்தடிக்கப்பட்ட ஓய்வூதியப்பங்களிப்பை முறைப்படுத்தி..
நேரடி ஊழியர்களுக்கு ஓய்வூதியப்பங்களிப்பைக் கூடுதலாக்கி…

மிகப்பெரும் சாதனைகளை… 
கத்தியின்றி இரத்தமின்றி…
போராட்ட அறைகூவல் மூலமே சாதித்த…
நமது தலைவர்களுக்கும்... 
AUAB கூட்டமைப்புக்கும்...
நமது மனமார்ந்த வாழ்த்துக்கள்….

இனி… ஊதியமாற்றம் என்ற
நமது ஒற்றைக்கோரிக்கை மட்டுமே
நம் முன்னே எதிர்நிற்கின்றது…
அதையும் நாம் வென்றாக வேண்டும்…

நமது உரிமைப்போருக்காக
உருவப்பட்ட போராட்டம் என்ற போர்வாள்…
இன்று உறையிலிடப்பட்டுள்ளது…
உரிமைகள் மறுக்கப்படுமாயின்…
போராட்டம் என்ற போர்வாள்…
உயிர்த்தெழும்… உயர்ந்தெழும்….
இதுவே நமது பாரம்பரியம்… அனுபவம்…

வெற்றுக்கூச்சலிலும்… 
வீண்பழிகளிலும் பலனில்லை…
வினைவலி… தன்வலி… மாற்றான்வலி…
அறிந்து செயல்படுவதே...
வெற்றிக்கான வழி என்பது...
வள்ளுவன் வாக்கு….

வள்ளுவன் வழியில்… 
தொடர்ந்து பயணிப்போம் தோழர்களே...

Sunday, 2 December 2018


ஒருவார காலம் போராட்டம் ஒத்தி வைப்பு

இன்று 02/12/2018 DOT செயலருடன் அனைத்து சங்கத்தலைவர்கள் 
நடத்திய பேச்சுவார்த்தையின் அடிப்படையில்
 03/12/2018 அன்று துவங்கவிருந்த காலவரையரையற்ற போராட்டம் 10/12/2018 முதல் நடைபெறும் என அறிவிக்கப்பட்டுள்ளது. 
நாளை 03/12/2018 இலாக்கா அமைச்சருடன்
 பேச்சுவார்த்தை நடக்கவிருப்பதால் போராட்டம்
டிசம்பர்10ந்தேதிக்குத் தள்ளிவைக்கப்பட்டுள்ளது.

பேச்சுவார்த்தை விவரம்

இன்று 02/12/2018 மதியம் CMDயுடன் அனைத்து சங்கத்தலைவர்களின் பேச்சுவார்த்தை நடைபெற்றது. DOT சில கோரிக்கைகளின் மீது சாதக நிலைபாடு எடுத்திருப்பதாகவும் அதனைக் கருத்தில் கொண்டு போராட்டத்தை விலக்கிக்கொள்ளுமாறும் CMD வேண்டுகோள் விடுத்தார். ஆனால் DOTயிடம் இருந்து எழுத்துப்பூர்வமான உறுதிமொழி இல்லாமல் போராட்டத்தை விலக்கிக் கொள்ள 
இயலாது என AUAB தெளிவுபட எடுத்துரைத்தது.

CMDயுடனான பேச்சுவார்த்தைக்குப் பின் 
DOT செயலர், கூடுதல் செயலர் மற்றும் 
DOT மூத்த அதிகாரிகளுடன் பேச்சுவார்த்தை நடைபெற்றது.

 BSNLக்கு 4G அலைக்கற்றை ஒதுக்கீடு, 
ஓய்வூதியப்பங்களிப்பை முறைப்படுத்துதல்...
 மற்றும் 01/01/2017 முதல் ஓய்வூதியத் திருத்தம்
 ஆகிய கோரிக்கைகள் சாதகமாகப் பரிசீலனை செய்யப்பட்டு வருவதாக DOT செயலர் உறுதி அளித்தார். 

ஆயினும் முக்கியக் கோரிக்கையான 
15 சத ஊதிய உயர்வு அளிப்பது பற்றி 
ஊழியர் சங்கங்களுடனான பேச்சுவார்த்தையை 
முழுமைப்படுத்துமாறு BSNL CMDஐ DOT செயலர் கேட்டுக்கொண்டுள்ளார். ஊழியர்களைப்போலவே அதிகாரிகளுக்கும் ஊதிய உயர்வு அளிப்பது பற்றிய DPE வழிகாட்டுதல் விரிவாக விவாதிக்கப்பட்டது.  மேலும் இது பற்றி இலாக்கா அமைச்சருடன் AUAB அனைத்து சங்க கூட்டமைப்பு விவாதிப்பதற்கு 03/12/2018 அன்று கூட்டம் ஏற்பாடு செய்யப்பட்டுள்ளது எனவும் தெரிவிக்கப்பட்டது.

மேற்கண்ட முன்னேற்றங்களின் அடிப்படையில்...
 03/12/2018 அன்று முதல் துவங்கவிருந்த நாடுதழுவிய காலவரையரையற்ற வேலைநிறுத்தம் 
10/12/2018க்குத் தள்ளிவைக்கப்பட்டுள்ளது. 

நமது இறுதிக்கட்டப் போராட்டத்தில் பங்கேற்க நாடு முழுவதும் அதிகாரிகளும் ஊழியர்களும், ஓய்வு பெற்ற தோழர்களும், 
ஒப்பந்த ஊழியர்களும் மிகவும் உற்சாகமாக காத்திருந்தனர். 

ஆயினும் ஏற்பட்டுள்ள முன்னேற்றங்களின் அடிப்படையில் 
நமது அனைத்து சங்க கூட்டமைப்பு சரியான நிலைபாட்டினை 
எடுத்து போராட்டத்தினை ஒருவார காலத்திற்கு 
தள்ளிவைத்துள்ளது பாராட்டுக்குரியது.  

நாளைய பேச்சுவார்த்தையில் 
நமது முக்கிய கோரிக்கையான 
ஊதியமாற்றம் ஏற்றுக்கொள்ளப்படாவிட்டால்...
மேலும் வீச்சுடன்...மேலும் முழுமூச்சுடன்...
மேலும் உரத்தக் கோபத்துடன்... 
டிசம்பர் 10 களம் இறங்குவோம்... 
உரிமை வெல்வோம்… 
காத்திருப்போம் தோழர்களே…
காலமும்... களமும்...காத்திருக்கிறது...

Sunday, 25 November 2018


வேலை நிறுத்த விளக்கக்கூட்டம் 

26/11/2018 – திங்கள் காலை 10 மணி
பொதுமேலாளர் அலுவலகம் - காரைக்குடி
மற்றும் தொலைபேசி நிலையம் - பரமக்குடி 
--------------------------------------------------------------------------------
மாலை 03 மணி
தொலைபேசி நிலையம் - சிவகங்கை
மற்றும் தொலைபேசி நிலையம் - இராமநாதபுரம் 
------------------------------------------------------------------------------------
அனைத்து தோழர்களும்
வேலை நிறுத்த விளக்கக் கூட்டத்தில்
திரளாய்ப் பங்கேற்க அன்புடன்  அழைக்கின்றோம்…

அனைத்து சங்க கூட்டமைப்பு – காரைக்குடி.

தாங்க இயலா துயரம்….

தேவிபட்டினம் தொலைபேசி நிலையத்தில் பணிபுரிந்த 
தோழர். R.நாகராஜன் TELECOM TECHNICIAN
இன்று 25/11/2018 மதுரையில் மரணமடைந்தார்.
இரண்டு மாதங்களுக்கு முன்பாக மழைநேரத்தில்
இருசக்கர வாகனப் பயணத்தின்போது நின்று கொண்டிருந்த 
லாரி ஒன்றின் மீது மோதி விபத்துக்குள்ளானார். 
தலையில் காயம் ஏற்பட்டு
மதுரை ஹன்னா ஜோசப் மருத்துவமனையில்
சிகிச்சைக்காக சேர்க்கப்பட்டார்.  

கடந்த இரண்டு மாதங்களாகத் தொடர்ந்து
தீவிர சிகிச்சைப் பிரிவில் சிகிச்சை அளிக்கப்பட்டது.
ஏறத்தாழ 20 லட்சம் ரூபாய் செலவு ஏற்பட்டுள்ளது.
மதுரை ஹன்னா ஜோசப் மருத்துவமனை
அங்கீகரிக்கப்படாத மருத்துவமனை என்பதால்
தங்களது சொந்த செலவில்
தோழர் நாகராஜன் குடும்பத்தினர் சிகிச்சை மேற்கொண்டனர்.

மிகுந்த பொருட்செலவு செய்தும்
அவரது உயிரைக் காப்பாற்ற முடியவில்லை.
பணியில் உள்ள BSNL ஊழியர்கள் மரணமுற்றால்
LIC மூலம் ஒரு லட்சம் ஆயுள்காப்பீடு வழங்கப்படுகின்றது.

விபத்து ஏற்பட்டு 15 நாளைக்குள் இறந்தால்
மூன்று லட்சம் இழப்பீடு வழங்கப்படுகின்றது.
தோழர் நாகராஜன் 2 மாதம்  கழித்து இறந்திருப்பதால்
மூன்று லட்சம் இழப்பீடு கூட கிடைக்காது.
LICயுடனான ஆயுள் காப்பீட்டு உடன்பாடு
சுத்தப் பைத்தியக்காரத்தனமான ஒரு உடன்பாடு
என்பதில் எந்தவித சந்தேகமும் நமக்கு இல்லை…

20 லட்சம் கடன் வாங்கிச் செலவு செய்தும்…
தோழர் நாகராஜனின் உயிரைக் காப்பாற்ற முடியாத
அவரது குடும்பத்தினர் மருத்துவப் பில்களை
பட்டுவாடா கோரி சமர்ப்பணம் செய்தால்
ஆயிரத்தெட்டு கேள்விகள் கிளர்ந்தெழும்…
வெந்து போயுள்ள அவரது குடும்பத்தினர்
மேலும் நொந்து நூலாவார்கள் என்பது சர்வ நிச்சயம்…
இரண்டு ஆண்டுகளுக்கு மேலாக மருத்துவபில் இழுத்தடிக்கப்படும்…
20 லட்சம் பில்லுக்கு 2 லட்சம் பட்டுவாடா செய்யப்படுமா
என்பது கூட கேள்விக்குறிதான்…
நமது கடந்த கால கசப்பான அனுபவங்கள்
அப்படித்தான் சொல்கின்றன….

தோழர் நாகராஜன் வாழ்வில் விதி விளையாடியது…
இனி அவரது மருத்துவ பில்களிலும் விதி விளையாடும்…
எனவே ஒரு விதி விளையாட்டு இல்லாத
புதிய மருத்துவ காப்பீட்டுத் திட்டத்தை…
உருவாக்க வேண்டியது நமது கடமையாகின்றது….

கடமை உணர்வும் கண்ணியமும் மிக்கத்
தோழர் நாகராஜனது மறைவு தாங்க முடியாத சோகமாகும்.
தோழர் நாகராஜனது நினைவு என்றும் நம் 
தோழர்கள் நினைவை விட்டு அகலாது.
நமது வேதனை மிக்க அஞ்சலியை உரித்தாக்குகின்றோம்…
விபத்தில் இறந்து அகால மரணமடையும்
தோழர்களின் குடும்பங்களுக்கு
உரிய இழப்பீடு  கிட்ட வகை செய்வோமேயானால் 
அதுவே நாகராஜன் போன்ற தோழர்களுக்கு
நாம் செலுத்தும் அஞ்சலியாகும்…

Friday, 23 November 2018


நவம்பர் – 24… 64வது சம்மேளன தினம்

சங்கங்கள் இணைந்தன…
சங்கடங்கள் அகன்றன…
வேதனைகள் தொலைந்தன..
சாதனைகள் பிறந்தன…

கரங்கள் உயர்ந்தன…
சிரங்கள் நிமிர்ந்தன…
காக்கும் கரங்களைக் காத்திடுவோம்..
இணைந்த கரங்களை போற்றிடுவோம்…

என்றென்றும் போற்றுவோம்…
நம் NFTE புகழ் பாடுவோம்…
 -------------------------------------------------------------------------------
சம்மேளன தினக்கொடியேற்றம்

24/11/2018 – சனிக்கிழமை – மாலை 05 மணி
பொதுமேலாளர் அலுவலகம் – காரைக்குடி

தலைமை 
தோழர். அ.சேக் காதர்பாட்சா
காரைக்குடி கிளைத்தலைவர்

கொடியேற்றம்
தோழர் ம.ஆரோக்கியதாஸ்
காரைக்குடி கிளைச்செயலர்

சிறப்புரை
தோழர். பா.லால்பகதூர்
மாவட்டத்தலைவர்…

நன்றியுரை
தோழியர். லெ.பாண்டியம்மாள்
காரைக்குடி கிளைப்பொருளர்..

தோழர்களே… வருக…

உடனே நீளட்டும்… உதவிக்கரங்கள்… 

சோறுடைத்த சோழபூமி இன்று..
சோதனையில் தவித்து நிற்கின்றது…
அறச்சீற்றத்தினும் வலியது…
அமைதியிழந்த இயற்கைச்சீற்றம்…
உதவுவது நம் தலையாய கடமை…

எனவே கோவை மாநிலச்செயற்குழு
பாதிக்கப்பட்ட தஞ்சை,நாகை,திருவாரூர்..
காரைக்கால்,வேதாரண்யம்,திருத்துறைப்பூண்டி
பகுதிகளுக்கு உடனடியாக உதவிட வேண்டுகோள் விடுத்தது…
அனைத்து மாவட்டங்களும் தங்களது பங்களிப்பை
உடனடியாக செய்து முடித்துள்ளன.

கூடுதல் பங்களிப்பை உணர்வுப்பூர்வமாக
உடனடியாகச் செய்து முடித்த
கடலூர் குடந்தை மாவட்டங்களுக்கு நமது வாழ்த்துக்கள்…

நாமும் நமது பங்கினைச் செலுத்திட வேண்டும்…
எனவே  காரைக்குடி NFTE – AITUC சங்கங்கள் இணைந்து
திருத்துறைப்பூண்டி பகுதி மக்களுக்கு
நிவாரணப்பொருட்கள் அளித்திடும் பணியில் ஈடுபட்டுள்ளன.
நாளை 25/11/2018 ஞாயிற்றுக்கிழமை லாரியில் நிவாரணப்பொருட்கள் திருத்துறைப்பூண்டி கொண்டு செல்லப்பட்டு
நமது முன்னாள் சட்டமன்ற உறுப்பினர்
தோழர்.உலகநாதன் அவர்களிடம் ஒப்படைக்கப்படும்.

தோழர்கள் தங்கள் பங்களிப்பை 
பொருட்களாக தந்து உதவிட வேண்டும்.
போர்வைகள்,கைலிகள்,துண்டுகள்,சேலைகள்,
வேட்டிகள்,நைட்டிகள் மற்றும் அரிசி,பருப்பு போன்ற உணவுப்பொருட்களாக அளித்திட வேண்டும்.
பழைய துணிகளைத் தவிர்க்கவும்….

நாளை மதியத்திற்குள் தோழர்கள் தங்களது பங்களிப்பை
NFTE சங்க அலுவலகத்தில் சேர்த்து விட வேண்டும்…
இராமநாதபுரம்,பரமக்குடி பகுதி தோழர்கள்
தங்கள் பங்களிப்பை 26/11/2018 அன்று
மாநிலச்செயலர் தோழர்.நடராஜன் அவர்களின் 
வருகையின்போது  அளித்திட வேண்டும்…
கிளைச்செயலர்கள் உரிய கவனம் செலுத்திட வேண்டுகின்றோம்…

Wednesday, 21 November 2018


அறவழிப் போராட்டம் வெல்லட்டும்… 


ஓய்வூதிய மாற்றம் கோரி…
உண்ணாவிரதம் மேற்கொள்ளும்…
ஓய்வு பெற்ற மூத்த தோழர்களின்…
அறவழிப்போராட்டம்
வெற்றி பெற வாழ்த்துகின்றோம்…

NFTE மாவட்டச்சங்கம் - காரைக்குடி.

Tuesday, 20 November 2018


வேலை நிறுத்த விளக்கக்கூட்டம்.. 
BSNL அனைத்து சங்க கூட்டமைப்பு

4G அலைக்கற்றை… 
ஊதிய மாற்றம்…
ஓய்வூதிய மாற்றம்…
ஓய்வூதியப்பங்களிப்பில் மாற்றம் கோரி…

BSNL அனைத்து அதிகாரிகள் மற்றும் ஊழியர்கள்...
டிசம்பர் 3 முதல் நாடுதழுவிய
காலவரையற்ற வேலைநிறுத்தம்

காரைக்குடி தொலைத்தொடர்பு மாவட்டத்தில்…
காரைக்குடி, சிவகங்கை,பரமக்குடி மற்றும்
இராமநாதபுரம் ஆகிய நான்கு இடங்களில்... 
வேலை நிறுத்த விளக்கக்கூட்டம்

26/11/2018 – திங்கள்கிழமை – காலை 10 மணி
பொதுமேலாளர் அலுவலகம் – காரைக்குடி
 தலைமை : தோழர்.பூமிநாதன் – BSNLEU

பங்கேற்பு:
தோழர்.லால்பகதூர் – NFTE
தோழர்.பிரான்சிஸ் – SNEA
தோழர்.யுவராஜ் – AIBSNLEA
தோழர்.நாகேஸ்வரன் – AIBSNLPWA
தோழர்.இராதாகிருஷ்ணன் – AIBDPA
தோழர்.முருகன் – NFTE CLU
----------------------------------------------------------------------------------------
மாலை 03 மணி- தொலைபேசி நிலையம் – சிவகங்கை
 தலைமை : தோழர்.குமரேசன் – SNEA

பங்கேற்பு
தோழர்.முருகன் – NFTE
தோழர்.ஆனந்த் - AIBSNLEA
தோழர்.ரவி – BSNLEU
தோழர்.சந்திரன் – AIBSNLPWA
தோழர்.தர்மராஜ் – NFTE CLU

காரைக்குடி மற்றும் சிவகங்கையில்... சிறப்புரை

 தோழர்.பாபு 
மாநில உதவிச்செயலர் BSNLEU

 தோழர்.காமராஜ் 
மாநில உதவிச்செயலர் AIBSNLEA
---------------------------------------------------------------------------------------- 
காலை 10 மணி - தொலைபேசி நிலையம் – பரமக்குடி
 தலைமை : தோழர்.மாரி – NFTE

பங்கேற்பு 
தோழர்.தியாகராஜன் – SNEA
தோழர்.தமிழரசன் – NFTE
தோழர்.கூரிகுணராஜன் – BSNLEU
தோழர்.இராமசாமி – AIBSNLPWA
தோழர்.மோகன் – NFTE CLU
------------------------------------------------------------------------------------------
மாலை 03 மணி – தொலைபேசி நிலையம் – இராமநாதபுரம்
தலைமை : தோழர்.வெங்கடேசன் – AIBSNLEA

பங்கேற்பு
தோழர்.அரியமுத்து NFTE
தோழர். பிரேம்குமார் BSNLEU
தோழர்.தவசிமணி SNEA
தோழர்.இராமமூர்த்தி AIBSNLPWA
தோழர்.ஆறுமுகம் TNTCWU
தோழர்.தங்கராஜ் – NFTE CLU

பரமக்குடி மற்றும் இராமநாதபுரத்தில்... சிறப்புரை
தோழர்.நடராஜன்  
மாநிலச்செயலர் NFTE
 ------------------------------------------------------------------------------------
தோழர்களே….
டிசம்பர் 3 காலவரையற்ற
வேலை நிறுத்த விளக்க கூட்டத்தில்…
அதிகாரிகள்…. ஊழியர்கள்…
ஓய்வு பெற்ற ஊழியர்கள்…
ஒப்பந்த ஊழியர்கள் என
அனைவரும் அணி திரள்வீர்…

அனைவரையும் அறைகூவி அழைக்கும்…
வெ.மாரி – தலைவர்...
மு.பூமிநாதன் – ஒருங்கிணைப்பாளர்...
BSNL அனைத்து சங்க கூட்டமைப்பு – காரைக்குடி…