Tuesday, 17 September 2019

சுயமரியாதையே  சுகவாழ்வு 

செப்டம்பர் - 15 
தந்தை பெரியார் பிறந்த நாள்... 

பகுத்தறிவை வளர்த்தவர்...
சுயமரியாதை சொன்னவர்... 
தந்தை பெரியார் புகழ் போற்றுவோம்...

Sunday, 15 September 2019


வாக்களிப்பீர்... வளம் பெறுவீர்...

கிட்டாத உரிமைகளை...
எட்டாத சலுகைகளை...
போராடி வென்றெடுக்க...
எட்டாவது தேர்தலில்...
இணைந்த கரங்களுக்கு வாக்களிப்பீர்...

Wednesday, 11 September 2019

தேர்தல் பரப்புரை நிறைவுக்கூட்டம்

தேர்தல் சிறப்புக்கூட்டம் 

13/09/2019 -  வெள்ளி - காலை 10 மணி 
தொலைபேசி நிலையம் - பரமக்குடி 
-------------------------------------------------------------------------
13/09/2019 - வெள்ளி - மாலை 04 மணி 
தொலைபேசி நிலையம் - இராமநாதபுரம் 
---------------------------------------------------------------------------

பங்கேற்பு : தோழர்கள் 
K . சேது 
மேனாள் மாநிலப்பொருளர் - NFTE 

G. சுபேதார் அலிகான் 
மாநில அமைப்புச்செயலர் - NFTE

B.லால்பகதூர்  
மாவட்டத்தலைவர் - NFTE

A. தமிழரசன் 
கிளைச்செயலர் - பரமக்குடி 

B. இராஜன் 
கிளைச்செயலர் - இராமேஸ்வரம் 

R. இராமமூர்த்தி 
கிளைச்செயலர் - இராமநாதபுரம் 
---------------------------------------------------------------------------------
இழந்த காலம்... இருண்ட காலம்  போகட்டும்...
இனியேனும்  சிறந்த காலம் பிறக்கட்டும்... 

இணைந்த கரங்களுக்கு வாக்களிப்போம்...
இழந்ததை... இறந்ததை... மீட்டெடுப்போம்...

தோழர்களே... வாரீர்...
தேர்தல் பரப்புரை நிறைவுக்கூட்டம் 
சிறப்புக்கூட்டம் 
13/09/2019 - வெள்ளி - காலை 10 மணி 
தொலைபேசி நிலையம் - சிவகங்கை 
---------------------------------------------------------------
13/09/2019 - வெள்ளி - மாலை 04 மணி 
பொதுமேலாளர் அலுவலகம் - காரைக்குடி 
------------------------------------------------------------------- 
பங்கேற்பு : தோழர்கள் 
கடலூர் .ஜெயராமன் 
மேனாள் சம்மேளனச் செயலர் - NFTE

வெ. மாரி 
மாவட்டச்செயலர் - NFTE

ப. முருகன் 
கிளைச்செயலர் - சிவகங்கை 

ம. ஆரோக்கியதாஸ் 
கிளைச்செயலர் - காரைக்குடி
-----------------------------------------------------------------
கிட்டாமல் போன சலுகைகளை..
எட்டாமல் போன உரிமைகளை...
எட்டாவது தேர்தலில் மீட்டெடுக்க...
ஒன்பது கரங்களுக்கு வாக்களிப்பீர்...
------------------------------------------------------------------------
தோழர்களே... வாரீர்...
கொட்டு முரசே...
வெற்றி எட்டுத் திக்கும் 
எட்டக் கொட்டு முரசே...
நித்த சக்தி வாழ்க...
என்று கொட்டு முரசே...

செப்டம்பர் 11
மகாகவி பாரதி நினைவு தினம் 
மகாகவி அடி சொல்வோம்...
மகாகவி அடி செல்வோம்..

Tuesday, 10 September 2019

தேர்தல் களம் 

16/09/2019 அன்று BSNLலில் 8வது 
உறுப்பினர் சரிபார்ப்புத் தேர்தல் நடபெறவுள்ளது.

அகில இந்திய அளவில் மொத்த வாக்காளர்கள் = 1,10,977
வாக்காளர்கள் அதிகம் உள்ள மாநிலம் - மகாராஷ்டிரா = 10,973
தமிழகத்தில் வாக்காளர்கள் = 7,682
குறைந்த வாக்காளர்கள் - QA ஜபல்பூர் = 35
மொத்த வாக்குச்சாவடிகள் = 1712
அதிக வாக்குச்சாவடிகள் - கர்நாடகா = 176

வாக்குப்பதிவு நேரம்  16/09/2019
காலை 9.00 மணி முதல் மாலை 05.00 மணி வரை 

அமைதிக்காலம் - SILENCE PERIOD 
14/09/2019 - காலை 09.00 மணி முதல் 
(வாக்குப்பதிவு நேரத்திற்கு 48 மணி நேரம் முன்னதாக...)

ஒவ்வொரு சங்கத்திற்கும் ஒரு முகவர்...  ஒரு மாற்று முகவர்... 
மற்றும் ஒரு வாக்கு எண்ணிக்கை முகவர்... 

வாக்குச்சாவடிக்குள் அலைபேசி கொண்டு செல்லத்தடை...

வாக்காளர்களுக்கு அடையாள அட்டை கட்டாயம்...
அடையாள அட்டை இல்லாதவர்கள் 
அதற்கான நிரப்பப்பட்ட படிவத்தை கொண்டு செல்லவேண்டும்..

வாக்குசீட்டுக்களில் தேர்தல் அதிகாரி கையெழுத்து இருக்க  வேண்டும்...

வாக்குச்சீட்டு கிழிந்திருந்தால் புதிய சீட்டு கேட்டுப்பெறவேண்டும்...

மலைப்பகுதி போன்ற   கடினமான இடங்களில் இருந்து வருபவர்களுக்கு நிர்வாகம் வாகன வசதி செய்து கொடுக்க வேண்டும்...

வாக்காளர்களுக்கு அரைநாள் விடுப்பு அளிக்கப்படும்...

தற்காலிகப் பணிநீக்கத்தில் உள்ளவர்களும் வாக்களிக்கலாம்...

தற்காலிக மாற்றலில்அடுத்த மாவட்டங்களுக்கு சென்றவர்களுக்கு 
தபால் ஓட்டு 15 தினங்களுக்கு முன்பாக அனுப்பப்படவேண்டும். 
தபால் ஓட்டில் சின்னம் அல்லது சங்கத்தின் பெயரில் X குறியிட்டு 
தபாலில் திருப்பி அனுப்ப வேண்டும்.

JTO பயிற்சி முடித்து 10/09/2019 அன்று 
பதவி உயர்வு பெற்றவர்கள் வாக்களிக்க இயலாது.

வாக்காளர் பட்டியல் தயார் செய்யப்பட்ட பின்பு  கருணை அடிப்படையில் புதிதாக பணி அமர்த்தப்பட்டவர்கள் வாக்களிக்க இயலாது...

வாக்களிக்க செல்பவர்களுக்கு பயணப்படி கிடையாது...

வாக்கு எண்ணிக்கை 
18/09/2019 - காலை 09.00 மணி தொடங்கி 
மாலை 03.00 மணிக்குள் முடிக்கப்படவேண்டும்.

ஒவ்வொரு மாவட்டத்திற்கும்  பார்வையாளர்களும்... ஒருங்கிணைப்பாளர்களும் நியமனம் செய்யப்பட்டுள்ளனர்...

மதுரை மாவட்டத்திற்கு 
திரு.யுவராஜ் DE /காரைக்குடி அவர்கள் OBSERVER  பார்வையாளராகவும்...
திரு.பிலாவடியான் SDE/மதுரை  ஒருங்கிணைப்பாளராகவும்...

காரைக்குடி மாவட்டத்திற்கு 
திரு.அப்துல் காதர் AGM/மதுரை  அவர்கள் பார்வையாளராகவும்...
திரு.சண்முகம் SDE/காரைக்குடி  ஒருங்கிணைப்பாளராகவும்...
நியமனம் செய்யப்பட்டுள்ளனர்.

தேர்தலை அமைதியாக எதிர்கொள்வோம்...

Sunday, 8 September 2019

தேர்தலும்... தேறுதலும்...

8வது உறுப்பினர் சரிபார்ப்புத் தேர்தலுக்கு 
இன்னும் 6 நாட்களே உள்ளன. 
தொழிற்சங்க சரிபார்ப்புத் தேர்தல் என்பது 
கடலில் மீன் பிடிப்பதல்ல.  குட்டையில் மீன் பிடிப்பது. 
பிடித்த மீன்களையை திருப்பி திருப்பி பிடிக்க வேண்டும். 
கூடவே தவளைகளையும் பிடிக்க வேண்டும். 
சாதனைகள்... வாக்குறுதிகள்... தேர்தல் அறிக்கைகள்...
குற்றச்சாட்டுக்கள்... கோபதாபங்கள்... 
என இந்திய நாட்டுத் தேர்தலுக்கான அனைத்து சாயல்களும் 
நமது தேர்தலிலும் எதிரொலிக்கின்றன. 

மற்ற தேர்தல்களை விட 
இந்த தேர்தல் வேதனை தரும் தேர்தலாக உள்ளது.
நிரந்தர ஊழியர்கள்  மீது  விருப்ப ஓய்வு.. கட்டாய ஓய்வு... 
ஓய்வு பெறும் வயதைக் குறைத்தல்... 
ஆகஸ்ட் மாத சம்பளம் வழங்காமை... 
என்று பல்வேறு தாக்குதல்கள்...

ஒப்பந்த ஊழியர்கள் மீது 
ஆறேழு மாதங்களாக சம்பளம் வழங்காமை... 
30 சத ஆட்குறைப்பு... 
வேலை நேரக்குறைப்பு என்று தாக்குதல்கள்..

ஊழியர் முகங்களில் 
வேதனையும் துயரமும் ததும்பி  நிற்கின்றது.
இத்தகைய சூழலில்... 
சம்பளமே இல்லாத நிலையில்.. 
ஊழியர்களிடம் வாக்கு கேட்கவும்... 
தேர்தல் திருவிழாக்களை நடத்தவும்... 
மனம் கூசுகிறது.  கூனிக்குறுகுகிறது...

எனவேதான் காரைக்குடி மாவட்டத்தின் நான்கு பகுதிகளில் 
பிரச்சாரம் என்று செய்வதை விட பிரச்சினைகளை முன்னிறுத்தி உண்ணாவிரதப் போராட்டம் அறிவித்தோம். 

சிவகங்கையில் உணர்வோடு 
உண்ணாவிரதப் போராட்டம் நடைபெற்றது.  
ஆனால் சிவகங்கை... இராமநாதபுரம் மாவட்டங்களில் 
செப்டம்பர்... அக்டோபர் மாதங்கள் பதட்டம் நிறைந்த மாதங்களாகும். 
செப்டம்பர் மாதம் பரமக்குடியில் 
தியாகி இமானுவேல் சேகரன் நினைவு தினமும்... 
அக்டோபர் மாதம் கமுதியில்  
பசும்பொன் தேவர் குருபூஜையும் நடைபெறுவதால் 
மாவட்டம் முழுமையும் 144 தடையுத்திரவு அமுல்படுத்தப்பட்டுள்ளது. எனவே போராடுவதற்கு கூட வாய்ப்புகள் இல்லாமல் போய்விட்டது.

தோழர்களே...
தந்திரம் நிறைந்த நிர்வாகமும்... அரசும்..
மிக மோசமான தாக்குதல்களை ஊழியர்கள் மீது நடத்தி வருகிறது..
ஒன்றுபட்டிருந்த சங்கங்களை 
தேர்தல் மூலம் பிளவுபடுத்தி மோதவிட்டுள்ளது. 
தேர்தல் களத்தில் தற்போது மோதிக்கொண்டிருக்கும் நாம் 
தேர்தலுக்குப் பின் 
ஊழியர்களுக்காக... BSNL நிறுவனத்திற்காக... 
ஊழியர்களது  வாழ்வாதாரத்தைக் காப்பதற்காக... 
மீண்டும் ஒன்றுபட்டு செயல்பட வேண்டிய கட்டாயம் உள்ளது.

எனவே தேர்தல் காலத்தில்... களத்தில்... 
வசவுகளைத் தவிர்ப்போம்...
கசப்புகளைக்  குறைப்போம்... 
தேர்தல் BSNL  ஊழியர்களுக்கு... 
தேறுதல் தரும் நிகழ்வாக அமைய வேண்டும்...

தேர்தலுக்குப் பின் ஊழியர்கள்
தொழிற்சங்கங்களிடம் எதிர்பார்ப்பது
அவர்களது தேறுதலைத்தான்...