Friday, 19 July 2019


வா ழ் த் து க் க ள் 
விஜயவாடா நகரில் நடைபெற்ற 
AIBSNLEA அதிகாரிகள் சங்க அகில இந்திய மாநாட்டில் 
AIBSNLEA  பொதுச்செயலராகத் தேர்ந்தெடுக்கப்பட்ட 
அருமைத்தோழர்  S. சிவக்குமார் 
அவர்களின் பணி சிறக்க வாழ்த்துகின்றோம்.

 அயராத உழைப்பும்... 
ஆற்றல் மிக்க ஆளுமையும்... 
இனிய தோழமையுணர்வும் கொண்ட
அன்புத்தோழர் சிவக்குமார் அவர்களின் தலைமையில் 
AIBSNLEA  வெற்றி நடைபோட வாழ்த்துகின்றோம்.

தொகுதி நிலவரம்

BSNLலில்
சங்கடங்கள் அதிகரித்துள்ளன.
சங்கங்களும் அதிகரித்துள்ளன.

8வது உறுப்பினர் சரிபார்ப்புத்தேர்தலில்
18 சங்கங்கள் களம் காண்கின்றன.
உறுப்பினர் எண்ணிக்கை வெகுவாக குறைந்து விட்ட நிலையில்
சங்கங்களின் எண்ணிக்கை குறைந்தபாடில்லை.
18/07/2019 அன்று வரைவு வாக்காளர் பட்டியல் வெளியிடப்பட்டுள்ளது.

காரைக்குடியில் NFTE ,BSNLEU, FNTO என
மூன்றே சங்கங்கள் மட்டுமே உள்ளன.
மொத்த வாக்காளர்கள் 276

வாக்குச்சாவடி வாரியாக
காரைக்குடி 86
பரமக்குடி 47
இராம்நாட் 78
சிவகங்கை 65

8வது உறுப்பினர் சரிபார்ப்புத்தேர்தலில் போட்டியிடும் சங்கங்கள்

1.       AIBCTES
2.       BTU BSNL
3.       BTEU
4.       BSNL ATM
5.       BSNL DEU
6.       BSNL EAU
7.       BSNL EC
8.   BSNLEU
9.     BSNL MS
10.   BSNL NTSU
11.   BSNL PEWA
12.   BSNL SU
13.   BSNL WRU
14.   FNTO BEA
15. NFTE BSNL
16.   FNTO
17.   TEPU
18.   TEU BSNL


BSNL வளம் பெற... ஊழியர்கள் நலம் பெற...
வாக்களிப்பீர் வரிசை எண் : 15

Wednesday, 17 July 2019


கொடுமையிலும் கொடுமை...

ஒப்பந்த ஊழியர்களுக்கு ஆறு மாதங்களாக சம்பளம் இல்லை...
நிரந்தர ஊழியர்கள் சம்பளம் மாதாந்திரக் கேள்விக்குறி....
வாடகை கட்டிடங்களுக்குப்  பல மாத வாடகை பாக்கி...
வாடகைக்கார்கள் நிறுத்தப்பட்டு விட்டன...
மின்கட்டணம் செலுத்தப் பணமில்லை...
டீசல் வாங்க வக்கில்லை...
வளர்ச்சிப்பணிகள் முற்றாக முடக்கம்...
மருத்துவப்பில்கள் மாதக்கணக்கில் தேக்கம்...
இப்படி பல வேதனைகளும் கொடுமைகளும்
இன்று BSNLலில் சாதாரணமாகிவிட்டன....

இப்போது அங்கீகரிக்கப்பட்ட மருத்துவமனைகளில்
அவசரத்திற்கு சிகிச்சை பெறுவதும் நின்று போனது...
இதுவே கொடுமையிலும் கொடுமையாகும்....

பல அங்கீகரிக்கப்பட்ட மருத்துவமனைகள்
தங்களுக்கு பல லட்சம் ரூபாய் நிலுவை இருப்பதால்
இனியும் தொடர்ந்து BSNL ஊழியர்களுக்கு மருத்துவ சிகிச்சை
அளிக்க  முடியாது என கையை விரித்து விட்டன.

மதுரைப்பகுதியில் வேலம்மாள் மருத்துவமனை,
வடமலையான் மருத்துவமனை மற்றும்
அரவிந்த் கண் மருத்துவமனை போன்றவை
BSNL மருத்துவ திட்டத்தின் கீழ சிகிச்சை அளிக்க முடியாது
என முற்றாகக்  கையை விரித்து விட்டன...

இராமநாதபுரம் பகுதியில் ஓய்வு பெற்ற
தோழர் அரியமுத்து மதுரை வேலம்மாள் மருத்துவமனையில்
மருத்துவ திட்டத்தில்  சிகிச்சை பெற்றார்.
சிலநாட்கள் கழித்து மீண்டும் தொடர்சிகிச்சைக்காக சென்றபோது
அவரை மருத்துவ திட்டத்தின் கீழ் அனுமதிக்க
மருத்துவமனை நிர்வாகம் மறுத்து விட்டது.

சில்லறையை கொடுத்தால் சிகிச்சை என்ற நிலைக்கு
மருத்துவமனை சென்றுவிட்டது. வேறு வழியின்றி பணம் கட்டி
சிகிச்சைக்கு சேர்ந்தார் தோழர் அரியமுத்து.
தோழர் அரியமுத்து ஓய்வூதியத்தை மட்டுமே நம்பி வாழ்பவர்.
தன்னுடைய ஓய்வூதியம் முழுமையும் மருத்துவமனைக்கு செலுத்தியும் பணம் பற்றாக்குறையானதால் மனைவியின் நகைகளை அடகு வைத்து பணம் செலுத்தியுள்ளார். தாலிமட்டுமே பாக்கி எனவும் அதுவும் கூட
பெரிய அளவிற்கு தமக்கு உதவாது எனவும்
தனது நிலையைச்சொல்லி தொலைபேசியில்
நம்மிடக் கண்ணீர் விட்டுக் கதறினார்.
நமது BSNL ஏன் இப்படி போய்விட்டது ? என
அவர் கேட்கும் கேள்விக்கு நம்மிடமோ... யாரிடமோ விடை இல்லை.

சென்றவாரம் அதே இராமநாதபுரம் பகுதியில்
குடும்ப ஓய்வூதியம் பெறும் திருமதி முத்துராக்கு
திருச்சி சென்ற வழியில் விபத்துக்குள்ளாகி தலையில் காயம் பட்டு
திருச்சி மாருதி மருத்துவமனையில் அனுமதிக்கப்பட்டார்.
காரைக்குடியில் இருந்து மருத்துவமனைக்கு அனுமதிக்கடிதம் கொடுக்கப்பட்டும் கூட மாருதி மருத்துவமனை நிர்வாகம்
அதனை ஏற்க மறுத்துவிட்டது.
பணத்தைக் கட்டி வைத்தியம் செய்து கொள்ளுங்கள் என்று
சாவகாசமாக கூறிவிட்டது. குடும்ப ஓய்வூதியம் பெறும்
திருமதி முத்துராக்கு மிகப்பெரிய இருப்புத்தொகையை 
தனது வங்கிக்கணக்கில் வைத்திருக்கவில்லை.
மாதாமாதம் கிட்டும் ஓய்வூதியத்தில்தான்
அவரது வாழ்க்கை வண்டி ஓடிக்கொண்டிருந்தது.
இப்போது மருத்துவ செலவிற்குத் திண்டாடும் நிலை உருவாகி விட்டது.
நமது BSNL ஏன் இப்படி போய்விட்டது ?
என அவரும் நம்மிடம் கேள்வி கேட்டார்... விடைதான்  இல்லை..

இது போன்ற சோகநிகழ்வுகள்
காரைக்குடி மாவட்டம் மட்டுமில்லை
ஒட்டுமொத்த இந்திய தேசம் முழுமையும் இருக்கத்தான் செய்யும்.
தனது ஊழியர்களுக்கு வைத்தியச்செலவு பார்ப்பதற்கு கூட
BSNL வக்கற்றுப்போய்விட்டது என்பது 
கொடுமையிலும் கொடுமையாகும்.

BSNL மறுசீரமைப்பு செய்யப்பட்டு நிலைநிறுத்தப்படும்வரை
BSNL ஊழியர்களின் உயிர்கள் நிலைநிறுத்தப்படுமா?
என்ற கேள்வி நம் நெஞ்சில் எழுகின்றது.

தற்போது தமிழகத்தில் அனைத்து மாவட்டங்களிலும்
அரசு மருத்துவக் கல்லூரிகள் உள்ளன.
மாவட்டத்தலைநகரங்களில் உள்ள அரசு மருத்துவமனைகளில்  
எல்லா வசதிகளும் நிறைந்துள்ளன.
போதிய கவனம் செலுத்தப்படுவதில்லை
என்பது மட்டுமே குறையாக உள்ளது.

அரசு மருத்துவமனைகளில் அரசு ஊழியர்கள்
மருத்துவ சிகிச்சைக்குப் பணம் செலுத்தி
SPECIAL WARD என்னும் சிறப்பு அறைகளில் தங்கி
தங்களது சிகிச்சையைத் தொடர முடியும்.
அந்த செலவு தொகையை நிர்வாகத்திடம் திரும்பப் பெற முடியும்.
அரசு மருத்துவமனை தரும் பில்கள் என்பதால்
அப்படியே பணம் திரும்பக் கிடைக்கும்.
எனவே நமது மாநில மாவட்ட நிர்வாகங்கள்
சம்பந்தப்பட்ட மாநில மாவட்ட மருத்துவமனை நிர்வாகங்களோடு பேசி
BSNL  ஊழியர்களுக்கு SPECIAL WARDகளில் அனுமதித்து 
சிகிச்சை அளிப்பதற்கு ஆவண செய்ய வேண்டும்.

தற்போது கூட இந்த நடைமுறை இருந்தாலும்
BSNL நிர்வாகம் மருத்துவமனை நிர்வாகத்தோடு பேசி
உரிய ஏற்பாடு செய்தால் சற்றுக் கூடுதலான கவனம்
BSNL நோயாளிகள் மீது செலுத்தப்படும்.
மாநில மாவட்ட நிர்வாகங்களுக்கு
வேண்டுகோளாக இதை வைக்கின்றோம்.

நம்முடைய கவலை எல்லாம்...
BSNLஐப் பிடித்திருக்கும் நோய்க்கு
அரசு உரிய சிகிச்சை அளிக்க வேண்டும்...

BSNL நோயாளிகளுக்கும் அவர்களது உயிர் காக்க
உரிய சிகிச்சை அளிக்கப்பட வேண்டும்.
அதற்கான மாற்று வழிகள் செய்யப்பட வேண்டும்.

நிதிநிலை என்பதைக் காட்டி உயிர்களை அழிப்பது நியாயமல்ல...
நிர்வாகங்கள் உரிய நடவடிக்கை எடுக்க வேண்டும்....

Thursday, 11 July 2019

போய்விட்டன... பொற்காலங்கள்...

19/07/1969...
இந்திய வரலாற்றில் ஓர் பொன்னாள்.
அன்றுதான் 14 வங்கிகள் தேசியமயம் ஆக்கப்பட்ட.
உறுதியுடன் இந்தப்பணியைச் செய்து முடித்த...
அன்னை இந்திராகாந்தி காலம்தோறும்
நம்மால் போற்றப்படவேண்டியவராவார்...

அன்று...
சமூகத்தின் வளர்ச்சியை மேலும் மேலும் மேம்படுத்துவதன்
நோக்கமாக வங்கிகள் தேசிய மயமாக்கப்பட்ட.

அன்று...
விவசாயம்... சிறு தொழில் நிறுவனம்... சில்லறை வர்த்தகம்...
சிறு வியாபாரங்கள் ஆகியவை முதன்மைத் துறைகளாக கருதப்பட்ட.

அன்று...
வங்கிகள் முதன்மைத் துறைகளுக்கு
40 சத  கடன் வழங்குவது அரசால் அவசியமாக்கப்பட்டது.

அன்று...
பொது நிதி... சேமிப்பு...வரி விதிப்பு மற்றும் பணவீக்கம் ஆகியவற்றின் மீது கவனம் செலுத்தி  வரவு செலவு கணக்கு  தயார் செய்யப்பட்டது.

அன்று...
சேமிப்பை பெருக்க வேண்டும்...
இருப்பு நிலையைப் பாதுகாக்க வேண்டும் என்பது
அரசின் நோக்கமாகக் கருதப்பட்டது.

ஆனால் இன்று.... எல்லாமே தலைகீழ்...
அரசே தன் துறைகளை அழித்திடும் அநியாயம்...
சேமிப்பு பொருளாதாரம் தேவையில்லை...
செலவு பொருளாதாரமே தேவையென..
அரசே முழக்கமிடும் அவலம்...

சின்னஞ்சிறு செல்லையாக்களின் வளர்ச்சிக்காக
உருவாக்கப்பட்ட பொதுத்துறைகள்...
முதலை மல்லையாக்களின் முன்பு மண்டியிட்டு....
கோடிகளைக் கொட்டிக்கொடுத்த கொடுமை...

இப்படி இந்திய தேசத்தில்....
சோதனைகள் எத்தனை வந்தாலும்...
எதிர்த்து நின்று உறுதியுடன் களம் கண்டு
பொதுத்துறை வங்கிகளைக் காத்து நிற்கும்...
வங்கி ஊழியர் சங்கத்தைப் பாராட்டுவோம்...

வங்கிகள் தேசியமயமாக்கப்பட்ட
50வது பொன்விழா சிறக்க வாழ்த்துகின்றோம்...

Sunday, 7 July 2019


பொறுத்தது போதும்...

தோழர்களே...
கடந்த ஓராண்டு காலத்திற்கும் மேலாக...
சென்னை கூட்டுறவு சங்கத்தில்...
இறந்து போன உறுப்பினர்கள்...
ஓய்வு பெற்ற உறுப்பினர்கள்...
கணக்கு முடித்த உறுப்பினர்கள்...
ஆகியோரது கணக்கு வழக்குகள் முடிக்கப்பட்டு
நிலுவை வழங்கப்படாமல் தொடர்ந்து இழுத்தடிக்கப்படுகின்றது.

பல்வேறு தேவைகளுக்காக கடன் விண்ணப்பித்த தோழர்களுக்கு
இன்று வரை கடன் பட்டுவாடா செய்யப்படவில்லை.
வேண்டியவர்களுக்கும்... RGB உறுப்பினர்களுக்கும் மட்டுமே
அவ்வப்போது கடன் வழங்கப்படுகின்றது....

சாதாரண  உறுப்பினர்கள் கையைப் பிசைந்து கொண்டு
கடனுக்கு ஏங்கிக்கொண்டிருக்கும் கொடுமை தொடர்கின்றது...

கூட்டுறவு சங்கத்தில்... 
நடக்கும் கொள்ளையைப் பற்றி...
நாள்தோறும் பலசெய்திகள்
சாட்டை...சவுக்கு என்ற பெயரில் வெளிவந்து கொண்டிருக்கின்றன. வெள்ளனூர் நிலம் விற்கப்பட்டு பலகோடிப் பணம்
விழுங்கப்பட்டதாக பல்வேறு செய்திகள் உலா வருகின்றன.

ஆயிரக்கணக்கான ஊழியர்கள் வியர்வையைச் சிந்தி
உழைத்த பணத்தில் உருவாக்கப்பட்ட கூட்டுறவு சங்கம்
இன்று கொள்ளைக்கூடாரமாக மாறிவிட்டதாக
ஊடகச்செய்திகள் கூறுகின்றன...

BSNLEU சென்னைத்தொலைபேசித் தோழர்கள்..
உரிய ஆதாரங்களுடன்... விளக்கங்களுடன் சமீபத்தில்
வெள்ளனூர்  நிலக்கொள்ளையைத் தோலுரித்துக்காட்டியுள்ளனர்...

தனது வட்டிப்பணத்தில் உருவான கூட்டுறவு சங்கத்தில்
என்ன நடக்கின்றது?  என்ற உண்மை நிலவரம்
இன்றுவரை சாதாரண உறுப்பினருக்குத் தெரியவில்லை.
இன்றுவரை கூட்டுறவு சங்க நிர்வாகம்
வெள்ளந்தியான  உறுப்பினர்களுக்கு
வெள்ளையறிக்கையாக உண்மையை உரைக்கவில்லை....

கூட்டுறவு சங்கத்தில்...
தொழிற்சங்கங்கள் என்ற போர்வையில்
ஊழல் முதலைகள் வாய் பிளந்து வாரி விழுங்குகின்றன
என்ற  செய்திகள் டீக்கடை பெஞ்சுகளில் 
தினந்தோறும் பேசப்படுகின்றன...

இந்தக் கொடுமைகளை
இன்னும் எத்தனை காலம்தான் சகிப்பது?
இந்த கொள்ளைகளுக்கு முடிவு எப்போது?
சாதார உறுப்பினருக்கு...
அவனது தேவைக்கான கடன் கிடைப்பது எப்போது?
சாதார உறுப்பினரின் சொத்து 
கொள்ளை போவதை தடுப்பது எப்படி?
என்ற பல கேள்விகள் தோழர்களின் நெஞ்சில் எழுகின்றன...

எனவே பரமக்குடியில் நடந்த
NFTE காரைக்குடி மாவட்டச்செயற்குழு முடிவின்படி
09/07/2019 அன்று மதுரையில் நடைபெறும்
மதுரை மாவட்டச்செயற்குழுவில் நாமும் பங்கேற்போம்...
கூட்டுறவு சங்கத்தை எதிர்த்துப் போராடுவது....
கூட்டுறவு சங்க நிர்வாகத்தின் மீது வழக்குத்தொடுப்பது  என்ற
மதுரை மாவட்டச்சங்கத்தின் முடிவை நாம் வரவேற்கின்றோம்...

கூட்டுறவு சங்க உறுப்பினர் நலன் காக்கும் போராட்டத்தில்...
கூட்டுறவு சங்க நிர்வாகத்திற்கெதிரான வழக்கில்...
மதுரை மற்றும் காரைக்குடி மாவட்டங்கள் இணைந்து
செயல்படுவோம்.... போராட்டக்களம் காண்போம்...
ஊழியர் நலன் காப்போம்...

தோழர்களே...
09/07/2019 மதுரை மாவட்டச்செயற்குழுவில்...
அனைத்துக் கிளைச்செயலர்களும்...
முன்னணித்தோழர்களும்...
முன்னாள் RGB உறுப்பினர்களும்...
அவசியம் கலந்து கொள்ள வேண்டுகின்றோம்.

அன்புடன்
பா. லால்பகதூர் – மாவட்டத்தலைவர் – காரைக்குடி
வெ.மாரி – மாவட்டச்செயலர் – காரைக்குடி

மதுரை  மாவட்ட செயற்குழு

N F T E
தேசிய தொலைத்தொடர்பு ஊழியர்கள் சங்கம்
மதுரை மாவட்டம் - மாவட்டச்செயற்குழு

 09-07-2019  -  செவ்வாய்க்கிழமை -  காலை 10.00 மணி
 தல்லாகுளம் CSC மனமகிழ் மன்றம் – மதுரை

: தலைமை :  
தோழர். S. சிவகுருநாதன் மாவட்டத்தலைவர்


: ஆய்படு பொருள் :

கடந்த ஓர் ஆண்டு காலமாக உறுப்பினர்களின் கடனை வழங்காமல்
இழுத்தடிக்கும் சென்னை கூட்டுறவு சொசைட்டி நிர்வாகத்தைக்
கண்டித்து  தொழிற்சங்க இயக்கம் நடத்துவது.

8வதுஉறுப்பினர் சரிபார்ப்பு தேர்தல் தயாரிப்பு

ஜூன் - 08,09,&10-2019 மைசூர் மத்திய செயற்குழு முடிவுகள்

கோபி - (ஈரோடு)  விரிவடைந்த மாநில செயற்குழு பங்கேற்பு 

அமைப்பு நிலை மற்றும்  இன்ன பிற தலைவர் அனுமதியுடன்....

 தோழமையுள்ள...
G.ராஜேந்திரன்மாவட்ட செயலர்